તુજને મળું છું

દુનિયા ઈચ્છે છે જેવો, એવો એને મળું છું

જેવો હું છું, એવો તો બસ તુજ ને જ મળું છું.

મળવા ખાતર મળી લઉં છું બધાને,

પણ જેને મળવું કહેવાય, એવો તો બસ તુજને જ મળું છું.

ના સ્વાર્થ, ના અપેક્ષા, ના કોઈ માંગણીઓ

તારા મળવામાં બસ પ્રેમથી લથબથ લાગણીઓ,

હૈયાને હુંફ આપવા, તું મુજને મળું છું,

જેને મળવું કહેવાય, એવો તો બસ તુજને જ મળું છું.

તારા માત્ર હોવાથી એક પોતીકો એહસાસ છે,

તું મળે તો લાગે કે શ્વાસો માં શ્વાસ છે,

મુજને મળવા માટે, હું તુજને મળું છું,

જેને મળવું કહેવાય, એવો તો બસ તુજને જ મળું છું.