જિંદગી

હોય એટલું જોર હવે લગાવ જીંદગી,

દમ હોય તો મને હવે સતાવ જીંદગી.

સુખની વ્યાખ્યા મેં જડમૂળથી બદલી,

દમ હોય તો દુઃખ હવે બતાવ જીંદગી.

ગોતી લઉં છું આનંદ દરેક વાતમાંથી,

દમ હોય તો મને હવે રડાવ જિંદગી.

દૂરથી લડી ન માપ્યા કર જોર મારું,

દમ હોય તો બથોબથ હવે આવ જિંદગી 

પડી પાછો બેઠો થાઉં છું બમણા જોશથી,

દમ હોય તો મને હવે હરાવ જીંદગી.

હું નહીં, પણ તું જરૂર થાકશે લડાઈમાં,

દમ હોય તો હાથ હવે મીલાવ જીંદગી.

--  બૈજુ જાની

         (૧૧/૧/૨૦૧૪)